कवियत्री  मीराबाई का भजन
*
चलो मन गंगा यमुना तीर
कवियत्री मीरा बाई

चलो मन गंगा यमुना तीर ।।

गंगा यमुना निर्मल पाणी,
सीतल होत सरीर।
बंसी बजावत गावत कान्हों
संग लियो बलवीर ।।
चलो मन गंगा यमुना तीर ।।

मोर मुकुट पीताम्बर सोहे,
कुंडल फलकत हीर।
‘मीरा’ के प्रभु गिरधर नागर,
चरण कमल पै सीर ।।
चलो मन गंगा यमुना तीर ।।

.        ********                             
.                                                        
भजनों का सूची . . .    



मिलनसागर
*
मैंने राम रतन धन पायो
कवियत्री मीरा बाई

मैंने राम रतन धन पायो ।।

बसतु अमोलक दी मेरे सतगुरु
कर किरपा अपणायो।
मैंने राम रतन धन पायो ।।

जनम-जनम की पूंजी पाई,
जग में सबै खोबायो।
खरचे नहिं कोई चोर न लेवै,
दिन-दिन बधत सवायौ ।।
मैंने राम रतन धन पायो ।।

सत की नाव खेवटिया सतगुरु
भव सागर तरि आयौ।
‘मीरा’ के प्रभु गिरधर नागर
हरिख-हरिख जस गायौ ।।
मैंने राम रतन धन पायो ।।

.        ********                             
.                                                        
भजनों का सूची . . .    



मिलनसागर
*
मने चाकर राखो जी
कवियत्री मीरा बाई

मने चाकर राखो जी,
मने चाकर राखो जी ।।

चाकर रहसूं बाग लगासूं,
नित उठ दरसन पासूं।
वृन्दावन की कुंज गलिन में,
तेरी लीला गासूं ।।
.        मने चाकर राखो जी ।।

चाकरी में दरशण पाऊं,
सुमरन पाऊं खरची।
भाव भगत जागीरी पाऊं,
तीन बात सरसी ।।
.        मने चाकर राखो जी ।।

मोर मुकुट पीताम्बर सोहे,
गल बैजन्ती माला।
वृन्दावन में देनु चरावे,
मोहन मुरली वाला ।।
.        मने चाकर राखो जी ।।

हरे-हरे नित बन्न बनाऊं,
विच-विच राखूं क्यारी।
सांवरिया के दरसन पाऊं,
पहर कुसुम्भी सारी ।।
.        मने चाकर राखो जी ।।

जोगी आया जोग करन कूं,
तप करणे संन्यासी।
हरिभजन कूं साधू आयो,
वृन्दावन के बासी ।।
.        मने चाकर राखो जी ।।

‘मीरा’ के प्रभु गहिर गम्भीरा,
सदा रहो जी धीरा।
आधी रात प्रभु दरशण दैहें,
प्रेम नदी के तीरा ।।
.        मने चाकर राखो जी ।।

.        ********                             
.                                                        
भजनों का सूची . . .    



मिलनसागर
*
बसो मोरे नैनन में नन्दलाल
कवियत्री मीरा बाई

बसो मेरे नैनन में नन्दलाल ।।

मोहनी मूरति सांवली सूरत,
नैणा बने बिसाल।
अधर सुधारस मुरली राजती,
उर बैजन्ती माल ।।

छुद्र घंटिका तट कटि सोभित,
नूपुर सबद रसाल।
‘मीरा’ प्रभु सन्तन सुखदाई,
भक्त बछल गोपाल ।।
बसो मोरे नैनन में नन्दलाल ।।

.        ********                             
.                                                        
भजनों का सूची . . .    



मिलनसागर
*
दरस बिना दूखण लागे नैन
कवियत्री मीरा बाई

दरस बिना दूखण लागे नैन ।।

जब से तुम बिछड़े मेरे प्रभु,
कबहुं ना पायो चैन।
सबद सुणत मेरी छतियां कांपैं,
मीठै लागै बैन ।।
बिरह कथा कासूं कहूं सजनी,
बह गई करवट ऐन।
कलन परत पल हरि मग जोवत,
भई छमासी रैन ।।
‘मीरा’ को प्रभु कब रे मिलोगे,
दुख मेटण सुख देन ।।

.        ********                             
.                                                        
भजनों का सूची . . .    



मिलनसागर
*
मेरो मन रामहीं राम रटै रे
कवियत्री मीरा बाई

मेरो मन रामहीं राम रटै रे ।।

राम राम जप लिजै प्राणी
कोटिक पाप कटै रे।
जनम-जनम के खतुज पुराने
नामहीं लेत फटै रे ।।
मेरो मन रामहीं राम रटै रे ।।

कनक कटोरे अमृत भरियो
पीवत कौ नटै रे।
‘मीरा’ कहे हरि अविनासी,
तन मन ताहि पटै रे ।।
मेरो मन रामहीं राम रटै रे ।।

.        ********                             
.                                                        
भजनों का सूची . . .    



मिलनसागर
*
मैं गौविन्द के गुण गाणा
कवियत्री मीरा बाई

मैं गौविन्द के गुण गाणा ।।

राजा रूठे नगरी राखे,
हरि रूठे कहां जाणा।
राणे भेज्या जहर प्याला,
अमृत करि पी जाणा ।।
मैं गौविन्द के गुण गाणा ।।

डबिया में भेज्या भुजंगम,
सालिगराम करि जाणा।
‘मीरा’ तो अब प्रेम दीवाणी,
सांवलिया वर पाणा ।।
मैं गौविन्द के गुण गाणा ।।

.        ********                             
.                                                        
भजनों का सूची . . .    



मिलनसागर
*
मैं गिरधर के रंग राती
कवियत्री मीरा बाई

मैं गिरधर के रंग राती ।।

पचंग चोल पहर सखी मैं
झिरमिट खेलन जाती।
ओह झिरमिट मां मिल्यो सांवरो
खोल मिली तन गाती ।।
जिनका पिय परदेस बसत हैं
लिख-लिख भेजे पाती।
मेरे पिया मेरे हीये बसत हैं
ना कहुं आती जाती ।।
चन्दा जाएगा सूरज जाएगा
जाएगी धरण आकासी।
पवन प्राणी दोनुं ही जाएंगे
अटल रहे अविनासी ।।
मैं गिरधर के रंग राती ।।

.        ********                             
.                                                        
भजनों का सूची . . .    



मिलनसागर
*
फागुन के दिन चार रे
कवियत्री मीरा बाई

फागुन के दिन चार रे,
होरी खेल मना रे।
बिनि करतार पखावज बाजै,
अनहद की झणकार रे ।।

बिनि सुर राग छतीसूं गावें,
रोम-रोम रंगसार रे।
सील सन्तोष की केसर घोली,
प्रेम प्रीति पिचकार रे ।।

उड़त गुलाल लाल भयो अम्बर,
बरसत रंग अपार रे।
घर के सब पट खोल दिए हैं
लोक लाज सब डार रे ।।

होली खेली पीव घर आए,
सोई प्यारी प्रिय प्यार रे।
‘मीरा’ के प्रभु गिरधर नागर,
चरण कमल बलिहार रे ।।

.        ********                             
.                                                        
भजनों का सूची . . .    



मिलनसागर
*
घिर आई री बदरिया सावन की
कवियत्री मीरा बाई

घिर आई री बदरिया सावन की
सावन की मन भवन की ।।

सावन में उमंग्या मेरो मनवा
भिनक सुनत हरि आवन की।
उमड़-घुमड़ चहुं दिस से आयो
दामण दमक झर लावन की ।।

नन्ही-नन्ही बूंदन मेहा बरसे
शीतल पवन सोहावन की।
‘मीरा’ के प्रभु गिरधर नागर
आनन्द मंगल पावन की ।।

घिर आई री बदरिया सावन की ।।

.        ********                             
.                                                        
भजनों का सूची . . .    



मिलनसागर