সপ্তম সর্গঃ   
নাগর নারায়ণ
     


অত্রান্তরে চ কুলটাকুলবর্ত্মাপাতসঞ্জাতপাতক ইব স্ফুটলাঞ্ছনশ্রীঃ |
বৃন্দাবনান্তরমদীপয়দংশুজালৈর্দিকৃসুন্দরীবদনচন্দনবিন্দুরিন্দুঃ ||১||



প্রসরতি শশধরবিম্বে বিহিতবিলম্বে চ মাধবে বিধুরা |
বিরচিতবিবিধবিলাপং সা পরিতাপং চকারোচ্চৈঃ ||২||




গীতম্ ১৩
মালবরাগযতিতালাভ্যাং গীয়তে   


কথিতসময়েহপি হরিহরহুহু ন যযৌ বনম্ |
মম বিফলমিদমমলমপি রূপযৌবনম্ ||১||
যামি হে কমিহ শরণং সখীজনবচনবঞ্চিতা || ধ্রুবম্ ||



যদনুগমনায় নিশি গহনমপি  শীলিতম্ |
তেম মম হৃদয়মিদমসমশরকীলিতম্ ||২||




মম মরণমেব বরমতিবিতথকেতনা
কিমিহ বিষহামি বিরহানলমচেতনা ||৩||




মামহহ বিধুরয়তি মধুরযামিনী
কাপি হরিমনুভবতি কৃতসুকৃতকামিনী |৪||




অহহ কলয়ামি বলয়াদিমণিভূষণম্ |
হরিবিরহদহনবহনেন বহুদূষণম্ ||৫||




কুসুমসুকুমারতনুমতনুশরলীলয়া
স্রগপি হৃদি হস্তি মামতিবিষমশীলয়া ||৬||




অহমিহ নিবসামি ন গণিতবনবেতসা |
স্মরতি মধুসূদনো মামপি ন চেতসা ||৭||




হরিচরণশরণ-জয়দেবকবিভারতী |
বসতু হৃদি যুবতিরিব কোমলকলাবতী ||৮||




তৎ কিং কামপি কামিনীমভিসৃতঃ কিম্বা কলাকেলিভি-
র্বদ্ধো বন্ধুভিরন্ধকারিণি বনাভ্যর্ণে কিমুদ্ভ্রাম্যতি |
কান্তঃ ক্লান্তমনা মনাগপি পথি প্রস্থাতুমেবাক্ষমঃ
সঙ্কেতিকৃত-মঞ্জুবঞ্জুলতা-কুঞ্জেহপি যন্নাগতঃ ||১||






অথাগতাং মাধবমন্তরেণ সখীমিয়ং বাক্ষ্য বিষাদমুকাম্ |
বিশঙ্কমানা রমিতং কয়াপি জনার্দ্দনং দৃষ্টবদেতদাহ ||২||





গীতম্ ১৪
বসন্তরাগযতিতালাভ্যাং গীয়তে   


স্মরসমরোচিতবিরচিতবেশা
গলিতকুসুমদরবিলুলিতকেশা ||১||
কাপি মধুরিপূণা বিলসতি যুবতিরধিকগুণা || ধ্রুবম্ ||



হরিপরিরম্ভণবলিতবিকারা
কুচকলসোপরি তরলিতহারা ||২||


বিচলদলকললিতাননচন্দ্রা
তদধরপানরভসকৃততন্দ্রা ||৩||


চঞ্চলকুণ্ডলললিতকপোলা
মুখরিতরসনজঘনগতিলোলা ||৪||


দয়িতবিলোকিতলজ্জিতহসিতা
বহুবিধকূজিত-রতিরসরসিতা ||৫||


বিপূলপূলকপৃথুবেপথুভঙ্গা
শ্বসিতনিমিলিতবিকসদনঙ্গা ||৬||





শ্রমজলকণভরসুভগশরীরা
পরিপতিতোরসি রতিরণধীরা ||৭||


শ্রীজয়দেবভণিতহরিরমিতম্-
কলিকলুষং জনয়তু পরিশমিতম্ ||৮||


বিরহপাণ্ডুমুরারিমুখাম্বুজদ্যুতিরিয়ং তিরয়ন্নপি বেদনাম্ |
বিধুরতীব তনোতি মনোভুবঃ সুহৃদয়ে হৃদয়ে মদনব্যথাম্ ||১||




গীতম্ ১৫
গুর্জ্জরীরাগৈকতালীতালাভ্যাং গীয়তে   


সমুদিতমদনে রমণিবদনে চুম্বনবলিতাধরে |
মৃগমদতিলকং লিখতি সপুলকং মৃগমিব রজনীকরে || ধ্রুবম্ ||
রমতে যমুনাপুলিনবনে বিজয়ী মুরারিরধুনা ||১||



ঘনচয়রুচিরে রচয়তি চিকুরে তরলিততরুণাননে |
কুরুবককুসুমং চপলাসুষমং রতিপতিমৃগকাননে ||২||






ঘটতি সুঘনে কুচযুগগগনে মৃদমদরুচিরূষিতে |
মণিসরমমলং তারকপটলং নখপদদশশিভূষিতে ||৩||




জিতবিসশকলে মৃদুভুজযুগলে করতলনলিনীদলে |
মরকতবলয়ং মধুকরনিচয়ং বিতরতি হিমশীতলে ||৪||




রতিগৃহজঘনে বিপুলাপঘনে মনসিজকনকাসনে
মণিময়রসনং তোরণহসনং বিকিরতি কৃতবাসনে ||৫||




চরণকিশলয়ে কমলানিলয়ে নখমণিগণপূজিতে |
বহিরপবরণং যাবকভণং জনয়তি হৃদি যোজিতে ||৬||




রময়তি সুভৃশং কামপি সুদৃশং খলহলধরসোদরে |
কিমফলমবসনং চিরমিহ বিরসং বদ সখি বিটপোদরে ||৭||




ইহ রসভণনে কৃতহরিগুণনে মধুরিপুপদসেবকে |
কলিযুগচরিতং ন বসতু দুরিতং কবিনৃপজয়দেবকে ||৮||




নায়াতঃ সখি নির্দ্দয়ো যদি শঠস্ত্বং দূতি কিং দূয়সে
স্বচ্ছন্দং বহুবল্লভঃ স রমতে কিং তত্র তে দূষণম্ |
পশ্যাদ্য প্রিয়সঙ্গমায় দয়িতস্যাকৃষ্যমাণং গুণৈ-
রুত্কণ্ঠার্ত্তিভরাদিব স্ফুটদিদং চেতঃ স্বয়ং যাস্যতি ||১||



গীতম্ ১৬
দেশবরাড়ীরাগরূপকতালাভ্যং গীয়তে   


অনিলতরলকুবলয়নয়নেন
তপতি ন সা কিশলয়শয়নেন ||১||
সখি যা রমিতা বনমালিনা || ধ্রুবম্ ||


বিকসিতসরসিজলললিতমুখেন
স্ফুটতি ন সা মনসিজবিশিখেন ||২||


অমৃতমধুরমৃদুতরবচনেন
জ্বলতি ন সা মলয়জপবনেন ||৩||


স্থলজলরুহরুচিকরচরণেন
লুঠতি ন সা হিমকরকিরণেন ||৪||


সজলজলদসমুদয়রুচিরেণ
দলতি ন সা হৃদি বিরহভরেণ ||৫||


কনকনিকষরুচিশুচিবসনেন
শ্বসিতি ন সা পরিজনহসনেন ||৬||


সকলভুবনজনবরতরুণেন
বহতি ন সা রুজমতিকরুণেন ||৭||


শ্রীজয়দেবভণিতবচনেন
প্রবিশতু হরিরপি হৃদয়মনেন ||৮||


মনোভবানন্দনচন্দানানিল প্রসীদ রে দক্ষিণ মুঞ্চ বামতাম্ |
ক্ষণং জগত্প্রাণ বিধায় মাধবং পুরো মম প্রাণহরো ভবিষ্যসি ||১||




রিপুরিব সখীসম্বাসোহয়ং শিখীব হিমানিলো
বিষমিব সুধারশ্মির্যস্মিন দুনোতি মনোগতে |
হৃদয়মদয়ে তস্মিন্নেবং পুনর্বলতে বলাৎ
কুবলয়সদৃশাং বামঃ কামো নিকামনিরঙ্কুশঃ ||২||




বাধাং বিধেহি মলায়ানিল পঞ্চবাণ
প্রাণান্ গৃহাণ ন গৃহং পুনরাশ্রয়িষ্যে |
কিন্তে কৃতান্তভগিনি ক্ষময়া তরঙ্গৈ-
রঙ্গানি সিঞ্চ মম শাম্যতু দেহদাহঃ ||৩||






প্রাতর্নীলনিচোলমচ্যুতমুরঃ সংবীতপীতাংশুকুং
রাধায়াশ্চকিতং বিলোক্য হসতি স্বৈরং সখীমণ্ডলে |
ব্রীড়াচঞ্চলমঞ্চলং নয়নয়োরাধায় রাধাননে
স্মেরস্মেরমুখোহয়মস্তু জগদানন্দায় নন্দাত্মজঃ ||৪||





ইতি শ্রীগীতগোবিন্দে মহাকাব্যে বিপ্রলব্ধাবর্ণনে নাগরনারায়ণো নাম সপ্তমঃ সর্গঃ।
জয়দেবের গীতগোবিন্দ
(দ্বাদশ শতক)
সপ্তম সর্গ
নাগর নারায়ণ
সপ্তম সর্গ   
বা নাগর নারায়ণ      


ভূমিকা - সমুদিল বৃন্দাবন উজলিয়া ইন্দু,---
.          দিক্-সুন্দরীর ভালে চন্দন-বিন্দু |
.          নারীজনে কলঙ্কিনী করিবার পাপে কি,
.          চাঁদে প্রকাশিত তার কলঙ্ক দাগটি ? ১

.          শশধর বিম্বিত, বন ভাতে হাসিতে ;
.          বিলম্ব কেন তবু মাধবের আসিতে ?
.          বিধুরা হইল রাধা মাধবে না লখিয়ে ;
.          ফুকারি কাঁদিয়া তাই কহিছে সে সখীরে | ২


ত্রয়োদশ গীতি     
( মালব রাগ, যতি তাল )          


কথিত কাল (ও)  অতীত, হা  লো !
.                        কাননে হরি আসিল কৈ?
বিফল হ’ল      মন অমল
.                    এ রূপ বয়ঃ আজি লো সই! ১


যাহার লাগি       এ নিশি জাগি
.                         রহিনু বনে বিভলা,
সে কেন করে      মদন-শরে
.                     আমারে এত বিকলা ? ৩


দহে কেবল            বিরহানল ;
.                      মিলায়ে এল চেতনা !
বরং হোক্            মরণ-ভোগ ;
.                      কেমনে সহি বেদনা ? ৩


মোরে বিধুর        করে মধুর
.                      মধু-ঋতুর যামিনী!
হরির সেবা        না জানি কেবা
.                      করে সুভগা কামিনী! ৪


এ কি অসহ !      হরি-বিরহ-
.                     তাপে যে দেহ জরিছে !
মণি-খচিত         বলয়াদি  ত
.                    অধিকতর দহিছে | ৫


হইল খর         কুসুম-শর
.